فرانس، جرمنی، اٹلی، بیلجئم، روس اور کیوبا کی جانب سے پاکستان کو 25 ارب ڈالرز

فرانس، جرمنی، اٹلی، بیلجئم، روس اور کیوبا کی جانب سے پاکستان کو 25 ارب ڈالرز کے آرڈرز موصول ہوئے ہیں۔

یہ سب ممالک پنجاب پولیس کے وہ پتھر خریدنا چاہتے ہیں جنہیں اگر 120 فٹ کے فاصلے سے ہاتھ سے پھینکا جائے تو وہ بلٹ پروف بی ایم ڈبلیو کی ونڈ سکرین کو توڑ دیتے ہیں۔

ان ممالک کا کہنا ہے کہ اے کے فورٹی سیون کی گولیاں اب فارغ ہوچکیں۔ آئیندہ ان پتھروں کو گولیوں میں ڈھال کر بندوقوں میں استعمال کیا کریں گے۔

دوسری طرف سلامتی کونسل نے ہنگامی اجلاس بلا لیا ہے۔ وہ پنجاب پولیس کے تباہ کن پتھروں کو نیوکلئیر ٹیکنالوجی کی فہرست میں شامل کرکے تمام ممالک کو ایک نئے این پی ٹی پر دستخط کرنے پر مجبور کریں گے تاکہ ان پتھروں کے استعمال کی حوصلہ شکنی ہوسکے۔

تیسری طرف دنیا بھر کی دہشتگرد تنظیموں نے راوی پل کے نیچے موجود پتھر سمگل کروانے کا پلان بنالیا۔ محتاط اندازے کے مطابق بلیک مارکیٹ میں لاہور کے یہ پتھر پانچ کھرب ڈالرز میں فروخت ہوں گے۔

  مریم صفدر کی گاڑی کی سکرین کیا پاٹی، ساری دنیا کا نظام درہم برہم ہوکر رہ گیا!